متنسوش حق بلدكم عليكم

الكلام اللي بكتبه ده موجه لكل مصري خايف على بلده مهما كان انتمائه السياسي والفكري .. المهم انه يكون مصري بيحب بلده واهل بلده ...
بعد سنتين من الثورة وليس سنتين ع الثورة لان الثورة مازالت مستمرة حتى تحقق اهدافها المرجوة منها والتي قامت من اجلها ..

يجب ان اذكركم ونفسي اولا امورًمن الممكن  تكون راحت عن بالنا لفترة طالت او قصرت مش مهم ..
المهم اننا نفتكرها ونفضل فاكرينها لحد ما نحقق اهدافنا..
اقولكم متنسوش الثورة ..ثورة الحرية والامل والحياة ثورة العدل والكرامة والمساواة ثورة العمل والانتاج والتقدم ثورة الحب و الاخلاق ثورة نصرة هذه البلد على الطغيان المباركي ..

متنسوش شهدائنا شهداء الميدان والمحافظات شهداء موقعة الجمل شهداء اداء الواجب شهداء محمد محمود الاولى والتانية شهداء ماسبيرو شهداء مجلس الوزراء شهداء مذبحة ستاد بورسعيد ... الى شهداء اليوم شهداء الموجة الثانية من الثورة بمختلف اماكنهم ....
متنسوش حق خالد سعيد سيد بلال جيكا  مينا دانيال   الشيخ عماد
 اللواء البطران أنس ... متنسوش حقهم وحق اخواتهم

متنسوش حريتنا اللي خرجنا بنطالب بيها من اول يوم ف الثورة لحد دلوقتي حريتنا الكاملة ...
متنسوش العدالة والمساواة بين الشعب المصري كافة ..
متنسوش حق العمال .. الفلاحين .. اهل النوبة ..
اهل سينا .. اهل الصعيد .. اهل بحري .. اهل القناة ...
 متنسوش حق كل مصري شريف ..
متنسوش الميدان ... متنسوش الكنتاكي والورقة ام100 دولار ..
متنسوش العيش .. والحرية ... والعدالة الاجتماعية ..

متنسوش حق بلدكم عليكم .. 

#متنسوش الثورة
— ضـد الحـكـومـة (@Mohamohsen22) January 31, 2013

#متنسوش شهدائنا :'(
— ضـد الحـكـومـة (@Mohamohsen22) January 31, 2013

حظر التجول ..... مش للمصريين يا مرسي

ريسنا طالع يزعق ويهلل ويصدر قرارات ...هو مش قدها .. الله اعلم هي صادرة من مكتب الارشاد ولا من غرفة نوم الشاطر ,
ما علينا يارب حتى لوكانت طالعة من البنتاجون الشعب المصري مش بيخاف ... حظر التجول والطورائ ده معمول خصيصاً علشان الخرفان .. فا حظرك ميفرقش مع المصريين يا سي مرسي .. والدليل احنا اهو ف اليوم التاني  للحظر والدنيا زبادي خلاط على الاخر والثوار بيلعبوا كورة ف الشوراع ... والفئة الوحيدة اللي بيستجيبوا للحظر هما " الخرفان " ..
وبعدين انت جاي مع مدن القناة وتصدر ...احيييه على الرجالة دا الصهاينة وفرنسا وبريطانيا مقدروش يعملوها مع رجالة القناة .. هتاجي انت بقى يا مرسي وتعمل عليهم حظر تجول .. كان غيرك اشطر يا حيلتها ..وانا مش هكتر ف كلامي يا مرسي انا هقولك بس رجالة القناة ازاي تعاموا مع  الحظر

ف السويس ...المسيرات مش بتتعمل غير ف وقت الحظر وبتكون مسيرات حاشدة جماعتك متقدرش تعمل زيها ..

ف بورسعيد .. المسيرات بتطل بالليل زي السويس بردو باعداد تفوق ال60/70 الف واحد .

ف اسماعيلية ... فبجانب المسيرات الحاشدة نظموا دورة كرة قدم ف وقت الحظر والحياة فلة شمعة منورة :D

وطبعا رجالة تويتر قاموا بالواجب د بقى شوية التليقات دول : 

- حظر إيه اللي أنت جاي تقول عليه.. أنت عارف قبله معنى الحظر إيه.

- من يتحدثون عن حظر التجول هم المحظورون.

- أهالي مدن القناة يناشدون رجال الشرطة البواسل بالنزول إلى الشوارع لتنظيم المرور ﻷن الحظر زحمة.

- الاحتفالات بالحظر تجوب مدن القناة.

دي حاجات بسيطة كده يا مرسي محبتش اتقل عليك علشان عارفك بتهنج بسرعة ..

واحب اوجهلك رسالة صغيرة ع السريع ...

"يامرسي يابني مش شعب مصر اللي يتزعق له .. وتهدده .. بروح امك .. احنا ننيمك انت وجماعتك من المغرب يا روح ماما "


اخيراً ! .... نهايتك قربت يا مرسي اوي ....

رسالة من شعب مصر الى المعتمد الاخواني على مصر

رسالة من شعب مصر الى المعتمد الاخواني على مصر

من شعب هذه البلاد نخاطب سيادة المعتمد الاخواني على مصر
 _مندوب مكتب الارشاد لدينا "محمد مرسي"_

 نطالبك بالرحيل عن بلادنا اذا كان لديك حمرة في وجهك .. فجميع شعب مصر لا يريدونك ف بلادهم يوم واحد بعد الان ... الشباب والرجال والنساء والبنات والجميع ضد وجودك داخل اراضينا الطاهرة فالدماء الطاهرة التي اسيلت ف عهدك لن يتحمل مسئوليتها سواك .. وسوف يأخذ الشعب بثأره منك .. مهما طال الزمان ..
وبعد هذه الرسالة القصيرة ايها المرسي عايزاسألك شوية اسئلة:-

1- من قتل جيكا ؟
2- اين القصاص العادل من قتلة الشهداء؟
3- اين النهضة ؟
4- اين ..واين واين ...؟

ومن دلوقتي لحد ما تلاقي اجابة الاسئلة دي ... احب اقولك

هباااااااب Luck يا مرررررررررسي