" مصر منورة بأهلها ... لا بنهضتها .. "

قالوها زمان " مصر منورة بأهلها " .. الجملة دي كانت بتتقال زمان لما الكهربا بتقطع كل سنة مرة دي لو قطعت اصلا .. الجملة لسه موجودة ف الفلكلور المصري..  لما الكهربا تقطع بنقولها  بس بقت تتقال اكتر من " صباح الخير" طب يعني هو احنا ناقصين ضلمة يا جدعان ... مش كفاية اننا مستحملين اللي عندهم ضلمة ف عقولهم وقلبوهم !!

طب وايه الحل .. يا حكومتنا الموقرة .. الا صحيح هي فين المشكلة .. طب بتقطعوا الكهربا ليه .. تخفيف أحمال !! طب الاحمال مش بتتخفف ليه في التجمع الخامس عند مرسي ... ولا عند بيت قنديل ولا حتى عند بيت مدير الامن في كل محافظة .. طب هي الاحمال بتتخفف ليييه ؟!! بتستخدموا الكهربا دي ف ايه ..؟ الاخوان بيخصبوا يورانيوم .. ولا بيعملوا مفاعل نووي  جديد في المقطم .. ولا يكونشي الاخوان وحشتهم كهربة امن الدولة ... علشان كدا كل واحد من الاخوان بياخد شوية كهربا معاه البيت لام العيال تعملوا عليهم  خوازيق محمرة ؟!
تعالوا نذكر اسرة بسيطة على سبيل المثال في قرية أبسط و أفقر ... الكهربا بتقطع عندهم بمعدل 6 ساعات يوميا .. رب الاسرة دي لازم يشتري شمع عندهم اولاد امتحاناتهم اليومين دول .. علبة الشمع اللي تكفي ال6 ساعات دول .. ب5جنيه يعني ف الاسبوع 35 جنيه .. ف الشهر 140 جنيه ... المفروض بقى الحكومة تصرف لنا "بدل شمع" ... فككم من النور مش لازم يعني هنعيش ف الضلمة... طب والحر والجو اللي يقرف ده .. نعمل ايه ؟!  ايها القنديل و انت ايها الرئيس المؤمن .. نلبس قطونيل ابيض ونقعد ف اوضة واحدة مع بعض طب والبنات والنساء .. طب لو عندنا ضيوف والكهربا قطعت .. اقول لهم اخلع هدومك يا برنس انت وهو ؟!!
نفكنا بردو من الحر والضلمة والكلام الفاضي ده كله ... نروح لاصحاب محلات الالبان اللي الالبان بتبوظ عندها يوميا بسبب الكهربا اللي بتقطع دي ... طيب وحضانات الاطفال حديثي الولادة اللي ف المستشفيات .. ماهي بردو شغالة بالكهربا .. نسيب العيال تموت يعني ... طيب لو فيه عملية في مستشفى والكهربا قطعت .. أيييه الحل ؟! طب وغرف العناية المركزة ف المستشفيات على مستوى الجمهورية تشتغل بايه طيب حضرتك خد الخبر ده بقى يمكن تحس مع اني اشك في ذلك سيدي الرئيس "تسبب قطع الكهرباء المستمر فى وفاة مريضة بالإسكندرية داخل غرفة العناية المركزة" http://elwatannews.com/news/details/185981
ماذا بعد الموت سيدي الرئيس بسبب غباءك انت وحكومتك ومكتب ارشادك ؟؟؟!!

 وقال ايه الحكومة بنت العبيطة بتعتذر للمواطنين علشان قطع الكهربا .. قلب امك يا كتكوتة http://www.youm7.com/News.asp?NewsID=1076135

واخيرا بقى علشان ما اطولش عليكم .. الكهربا تقطع وانا بكتب التدوينة دي والحق انزلها أحب اوجه شوية رسايل بسيطة لمجموعة من الاشخاص والمؤسسات ...

رسالتي للحكومة : امك قرعة ..

بديع : المقطم منور بيك ..

الاخوان : مش مهمه رسالتي ليكم ..

مرسي : كل برسيم واسكت ...

محصل الكهربا : متاجيش تاخد فلوس السنة دي كلها ... أحسنلك ! !

المواطن المصري : قوم ولعلك شمعه ...