وبعد
انتهاء الحلقة بل واثنائها تعددت الشتائم والاتهامات لباسم يوسف ومن المرات
القليلة جدا ان يتفق الفلول والاخوان على ان باسم عميل وخاين وابن ستين تيت وده في
حد ذاته انجاز لباسم يوسف .. انت كشخص لما تلاقي الاخوان والفلول ضدك يبقى انت كدا
شخصية ناجحة مليوون في المية ده جزء .. الشق التاني من الموضوع هو عدم اهتزاز ثقة
الثوار بباسم يوسف بل زادت وشعروا بالطمأنينة بعد ان تهاوى من ذهنهم الشكوك في مدى
مهاجمة باسم لسياسة العسكر , والاخوة والاخوات اللي بيموتوا في دباديب السيسي
بتاعهم ايام مرسي كان باسم بالنسبة لهم سكرة علشان بيهاجم الاخوان , وبعد الحلقة
الاولى من الموسم الجديد للبرنامج بدأوا يشتموا في باسم .. احب اقولهم جملة بسيطة
.. هو انتوا لسه شوفتوا حاجه .. ولسه اللي جاي احلى :P
وباسم
بعد الحلقة اخد لقب .. طابور خامس وده في حد ذاته شرف واحنا كطابور خامس قديم . انبسطنا :D
والاخوة
الفلول علشان يبينوا انهم مش ضد مهاجمة السيسي بيقولوا " يرضيك ان باسم قال افيهات خارجة "... في
دي عندك حق ... بس مانت الافيهات دي كانت بتفشخك ضحك ايام مرسي .. اشمعنا ايام
السيسي مش عجباك !! وبصراحة بقى يرضيني .. انا راجل لعين ياخي بموت ف السفالة:D
ويمكن
تلخيص البرنامج كله ايام طنطاوي ومرسي والسيسي ... في الـ3 جمل دول :
في
الموسم الاول من البرنامج ايام طنطاوي : الفلول كانوا بيشتموا باسم والاخوان
بيحبوا باسم والثوار عاجبهم باسم وساكتين
في
الموسم الثاني من البرنامج ايام مرسي : الاخوان كانوا بيشتموا باسم والفلول بيحبوا
باسم والثوار عاجبهم باسم وساكتين
في
الموسم التالت من البرنامج ايام عدلي قصدي السيسي : الاخوان والفلول بيشتموا باسم
والثوار هنا بقى عاجبهم باسم و بردو ساكتين ... المجد للاحرار الثابتين على القرار :D
بجد انت كدا جبت من الاخر
ردحذفو احسن حاجة ف باسم انه مش زى الاعلام الوسخ ماشى مع الموجه و خلاص و مش فاهم حاجة